სპორტული ორიენტირება (შემდგომი ორიენტირება) არის სპორტის სახეობა, სადაც მონაწილეები იყენებენ რუკასა და კომპასს რელიეფზე (ტყე / პარკი / ქალაქი) ნავიგაციისათვის და გარკვეული რაოდენობის საკონტროლო პუნქტების (კონტროლების) მართებული თანმიმდევრობით მოსანახულებლად. მიზანს წარმოადგენს ყველა საკონტროლო პუნქტის მოძიება უმოკლეს დროში, თუმცა მათ შორის გადასაადგილებელი მარშრუტის შერჩევა თითოეული მონაწილის პრეროგატივაა. აღნიშნული სპორტის სახეობა აერთიანებს ფიზიკურ გამძლეობას, სისწრაფესა და პრობლემის გადაჭრის უნარს.